«Sunny school» ուսումնական կենտրոնը համաֆինանսավորմամբ իրականացնում է «Կիբեռանվտանգություն» դասընթացը:

Ծրագրի թիրախային խմբերն են՝

• ԲՏ ոլորտի աշխատող մասնագետները,
• Արցախյան պատերազմների մասնակիցները (ընդունելության կարգն անցած բոլոր մասնակիցների համար բոլոր բաղադրիչների դասընթացները կլինեն անվճար),
• Ցանկացած անձ, ով կտիրապետի ծրագրի մասնակցության համար անհրաժեշտ մասնագիտական գիտելիքներին:

Դասընթացին մասնակցելու համար դիմորդը պետք է ունենա Կիբեռանվտանգության և մաթեմատիկայի հիմնային գիտելիքներ, ինչպես նաև անգլերենի միջին մակարդակի իմացություն:

Մինչ դասընթացի մեկնարկը առցանց թեստի միջոցով կիրականացվի դիմորդների գիտելիքների գնահատում։

Ընդունելության առցանց թեստը ներառում է 20 հարց։ Նախապատվությունը տրվելու է 60%-ից բարձր հավաքած մասնակիցներին:

Դասընթացներն իրականացվելու են համաֆինանսավորմամբ: Պետությունը կֆինանսավորի դասընթացի արժեքի մի մասը, հիմք ընդունելով մասնակցի ավարտական քննության միավորը:

Դասընթացի արժեքը – 350,000 ՀՀ դրամ։

* Բարձր առաջադիմությամբ ուսանողի կողմից վճարվող վարձավճարը կփոխհատուցի «Sunny School» ուսումնական կենտրոնը:

«Կիբեռանվտանգություն» դասընթացն իրականացվելու է շաբաթական 3 անգամ (ընդհանուր 30 դաս՝ յուրաքանչյուրը 2 ժամ տևողությամբ):

Խումբը կազմված է լինելու է առավելագույնը 25 ուսանողից։

Դասընթացը ներառում է տեսական և գործնական մասեր՝

• տեսական մասը՝ ընդհանուր դասընթացի 50%,
• գործնական մասը՝ ընդհանուր դասընթացի 50%:

Դասընթացները իրականացվելու են անցանց (offline) եղանակով՝ լիցենզավորված Cisco Webex Trainings համակարգի միջոցով։

Ավարտական քննության ստուգման համար օգտագործվելու է Cisco Networking Academy-ի հարթակը, որը թույլ է տալիս ավտոմատ ստուգել և գնահատել լուծված խնդիրները։

Հայտնում ենք, որ դիմորդը կհեռացվի՝ իրականացված դասընթացների 1/3-ից ավելի բացակայելու դեպքում:

Դասընթացի մասնակիցները հնարավորություն կունենան՝

• ներկայացնել կիբեռանվտանգության աշխարհի կրիմինալի և փորձագետների բնութագրերը,
  
• բացատրել, թե ինչպես են կոնֆիդենցիալության, ամբողջականության և հասանելիության սկզբունքները վերաբերում տվյալների կարգավիճակների և կիբեռանվտանգության սպառնալիքների հակազդման միջոցների հետ,
• նկարագրել կիբեռհանցագործների կողմից օգտագործվող մարտավարությունները, մեթոդները և ընթացակարգերը,
• ներկայացնել ինչպես են տեխնոլոգիաները, պրոդուկտները և ընթացակարգերը օգտագործվում գաղտնիությունը պաշտպանելու համար,
• նկարագրել ինչպես են տեխնոլոգիաները, պրոդուկտները և ընթացակարգերը օգտագործվում ամբողջականությունը ապահովելու համար,
• նկարագրել ինչպես են տեխնոլոգիաները, պրոդուկտները և ընթացակարգերը ապահովում բարձր հասանելիություն,
• բացատրել ինչպես են կիբեռանվտանգության մասնագետները օգտագործում տեխնոլոգիաներ, գործընթացներ և ընթացակարգեր ցանցի բոլոր բաղադրիչները պահպանելու համար,
• բացատրել կիբեռանվտանգությանը վերաբերող օրենքների նպատակը,
• տիրապետել ցանցային հարձակումներին, դրանց հայտնաբերման և հակազդման համակարգերին

Ուսումնական ծրագրին առավել մանրամասն կարող եք ծանոթանալ հետևյալ հղումով։

Դասընթացի ավարտին կանցկացվի առցանց քննություն/թեստ, որի արդյունքում կստուգվեն ուսանողների կողմից ձեռք բերված ինչպես տեսական գիտելիքները, այնպես էլ գործնական հմտությունները։ Թեստը դրական կհամարվի 50% և ավել միավորներ ստանալու դեպքում։

Դասընթացի ավարտին մասնակիցներին կտրամադրվի սերտիֆիկատ:

Ավարտական քննության արդյունքում 80% և ավել միավոր հավաքած ուսանողների ինքնակենսագրականները կներկայացվեն գործընկեր կազմակերպություններում՝ հնարավոր թափուր աշխատատեղերի համար: