ՏՀՏ գործատուների միություն

Տեղեկատվական և հաղորդակցության տեխնոլոգիաների գործատուների միությունը ստեղծվել է 2015 թվականին, ոլորտի մի շարք առաջատար կազմակերպությունների նախաձեռնությամբ, նպատակ ունենալով ներկայացնելու և պաշտպանելու ոլորտի գործատուների շահերն և իրավունքները։ Միության անդամ են դարձել Հայաստանի բազմաթիվ խոշոր ընկերություններ:

Միությունը մեծ ուշադրություն է դարձնում մասնագիտական կրթությանը, ինչպես դպրոցներում, այնպես էլ բուհերում` հաշվի առնելով ՏՀՏ մասնագետների պակասը աշխատաշուկայում և այսօրվա կրթության համապատասխանեցման անհրաժեշտությունը գործատուների պահանջներին։

Այդ բոլոր խնդիրները հաշվի առնելով ՏՀՏ գործատուների միությունը համագործակցում է ՀՀ ԿԳ նախարարության, ՀՀ ԲՏԱ նախարարության, Հայաստանի խոշոր բուհերի, մասնագիտական ուղղվածություն ունեցող դպրոցների հետ՝ իրականացնելով ոլորտի բարելավմանն ուղղված համատեղ ծրագրեր։ ՏՀՏ գործատուների միությունը համագործակցում է նաև ՏՀՏ և հարակից ոլորտներում գործող կազմակերպությունների, ՀՀ կառավարության, միջազգային կառույցների և կազմակերպությունների, այլ երկրների պետական, հասարակական և ոլորտային կառույցների հետ։

Միությանը անդամակցում են Հայաստանի խոշոր տեխնիկական ուղղվածություն ունեցող համալսարանները՝ Հայաստանի ազգային պոլիտեխնիկական համալսարան, Երևանի պետական համալսարան, Հայաստանի մանկավարժական համալսարան, Հայ-ռուսական Սլավոնական համալսարան, Հայաստանի Ամերիկյան համալսարան, Եվրոպական համալսարան, Հայաստանում Ֆրանսիական համալսարաննը որոնց հետ իրականացվում են բազմաթիվ նախագծեր կրթական ծրագրերի արդիականացման ուղությամբ։

• ՏՀՏ գործատուների միությունը 2015-2019 թվականները Յունիքոմփ, Սինոփսիս Արմենիա, Վիվա-ՄՏՍ ընկերությունների հետ համատեղ Հայաստանի 10 ավագ դպրոցներում իրականացնում է ՏՀՏ առարկաների ուսուցման ծրագիրը: Ծրագիրը ունեցել է 2750+ շրջանավարտ, անցել է վերապատրաստում 40+ ուսուցիչ(հղում): http://ueict.org/portfolio-item/project-on-it-microelectronics-and-basics-of-telecommunication-in-high-schools-of-armenia/
• 2019 թվականին ՏՀՏ գործատուների միությունը ՀԱՊՀ-ում հիմնեց «Խելացի լուծումների» միջհամալսարանական կենտրոնը: Կենտրոնում Միությունը Սինոփսիս Արմենիա և Յունիքոմփ ընկերությունների հետ համատեղ իրականացնում է դասախոսների և ուսանողների վերապատրաստում Միկրոէլեկտրոնիկա, Արհեստական բանականություն, Կիբերանվտանգություն, Իրերի համացանց ուղղություններով(հղում): http://ueict.org/portfolio-item/smart-solution-center/

Ծրագրին կարող են մասնակցել ՀՀ-ում և Արցախի Հանրապետությունում բնակվող ՀՀ և ԱՀ քաղաքացիները (Երևանից` 18, իսկ ՀՀ մարզերից և Արցախի Հանրապետությունից` 16 տարին լրացած անձինք) ովքեր կանցնեն դասընթացի ընդունելության կարգը և կհամապատասխանեն ծրագրի նպատակին:

Ծրագրի թիրախային խմբերն են՝

• Ուսանողները
• Կորոնավիրուսի (Covid-19) հետևանքով խոցելի խմբերի (տուրիզմ, սպասարկման և ծառայությունների մատուցման ոլորտ և այլն) մասնակիցները
• ԲՏ ոլորտի սկսնակները
• ԲՏ ոլորտում աշխատող մասնագետները
• Ցանկացած անձ, ով ցանկանում է ստանալ ԲՏ ոլորտում բազային և նեղ մասնագիտացված տեխնիկական կրթություն

Դասընթացին մասնակցելու համար դիմորդը պետք է ունենա անհրաժեշտ նվազագույն գիտելիքներ և հմտություններ՝

• Համակարգչից օգտվելու հմտություններ
• Միջին մակարդակի անգլերենի իմացություն
• Ցանցային տեխնոլոգիաների տարրական գիտելիքներ

Մինչ դասընթացի մեկնարկը առցանց թեստի միջոցով կիրականացվի դիմորդների գիտելիքների գնահատում։

Ընդունելության առցանց թեստը բաղկացած կլինի 20 հարցից (12 հայերեն և 8 անգլերեն)։ Թեստի անցողիկ միավորը Երևանում գրանցված մասնակիցների համար կլինի 50 և ավելի, իսկ մարզերի և Արցախի Հանրապետության դեպքում 45 և ավելի միավորը: Անգլերեն հարցերից առնվազն մեկը պետք է լրացնել ճիշտ։

*Տեղեկացնում ենք, որ դասընթացի մասնակիցների քանակի սահամանափակ լինելու պատճառով, կարող է առաջանալ մրցակցություն, որի արդյունքում նախապատվությունը կտրվի ընդունելության ընթացակարգում առավելագույնս բարձր միավորներ հավաքած դիմորդներին:

Դասընթացները իրականացվում են համաֆինանսավորմամբ: Պետությունը կֆինանսավորի դասընթացի արժեքի մի մասը, որը կախված կլինի ընդունելության քննության արդյունքներից (սանդղակը տե՛ս այստեղ):

Քննության արդյունքների հիման վրա կսահմանվի դասընթացի վճարի այն մասը, որը պետք է կատարի դասընթացի մասնակիցը։ Դասընթացին մասնակցելու համար դիմորդը պետք է դասընթացի մեկնարկից առաջ կատարի վճարումը։

Դասընթացի վճարը կկազմի՝ 230 400 ՀՀ դրամ

Օրինակ՝ եթե դասընթացի մասնակցության քննությունից ունեք 76%-ից բարձր արդյունք և

• եթե Դուք Երևանից եք, Ձեր դասընթացի 80%-ը (184,320 ՀՀ դրամ) կվճարի ԲՏԱ նախարարությունը, իսկ 20%-ը (46,080 ՀՀ դրամ) կվճարեք Դուք
• եթե Դուք մարզից եք, Ձեր դասընթացի 90%-ը (207,360 ՀՀ դրամ) կվճարի ԲՏԱ նախարարությունը, իսկ 10%-ը (23,040 ՀՀ դրամ) կվճարեք Դուք

*ՀԱՅՏՆՈՒՄ ԵՆՔ, ՈՐ ՏՀՏ ԳՈՐԾԱՏՈՒՆԵՐԻ ՄԻՈՒԹՅԱՆ ԱՆԴԱՄ ԸՆԿԵՐՈՒԹՅՈՒՆՆԵՐԸ ՊԱՏՐԱՍՏԱԿԱՄՈՒԹՅՈՒՆ ԵՆ ՀԱՅՏՆԵԼ 4.800.000 ԴՐԱՄԻ ՉԱՓՈՎ ԻՐԱԿԱՆԱՑՆԵԼ ՈՒՍՄԱՆ ՎԱՐՁԻ ՀԱՄԱՖԻՆԱՆՍԱՎՈՐՈՒՄ՝ ՈՒՍԱՆՈՂՆԵՐԻ ԲԵՌԸ ԹԵԹԵՒԱՑՆԵԼՈՒ ՀԱՄԱՐ:

«Կիբերանվտանգության» դասընթացը իրականացվելու է շաբաթական 2 անգամ (ընդհանուր 37 դաս՝ յուրաքանչյուրը 74 ժամ տևողությամբ): Խումբը կազմված է լինելու է մինչև 50 ուսանողից։

Սկսնակ մակարդակի դասընթացը բաղկացած է 8 դասից՝ տեսական և գործնական մասերից:

Միջին մակարդակի դասընթացը բաղկացած է 29 դասից՝ տեսական և գործնական մասերից:

Դասընթացները իրականացվելու են առցանց (online) եղանակով՝ լիցենզավորված «Webex» ծրագրային ապահովման միջոցով: Դասախոսի և դասընթացի մյուս մասնակիցների հետ ամենօրյա հաղորդակցության համար կօգտագործվի Webex հարթակը։ Տնային առաջադրանքների ստուգման համար կօգտագործվի Cisco Networking Academy հարթակը։

Հայտնում ենք, որ դիմորդը կհեռացվի հետևյալ պայմանների դեպքում։

• 5 և ավել դաս բացակայելու դեպքում
• Սկսնակ մակարդակից միջին մակարդակ անցնելու միջանկյալ թեստը անբավարար հանձնելու դեպքում

ՍԿՍՆԱԿ մակարդակի փուլ

Ներածական դասընթացը մասնակիցներին ծանոթացնում է մասնակիցներին առցանց միջավայրում անվտանգ գործելու եղանակների հետ, ծանոթացնում է հարձակումների և վնասակիր ծրագրերի տարբեր տեսակներին: Դիտարկվում են կազմակերպությունների կողմից հարձակումներին դիմակայելու համար օգտագործվող միջոցները: Դասընթացի ավարտին դիտարկվում են նաև կիբերանվտանգության ոլորտի կարիերային հնարավորությունները:

Դասընթացը հաջող ավարտած ուսանողները կկարողանան`

• նկարագրել առցանց միջավայրում անվտանգ գործելու հիմունքները,
• նկարագրել հարձակումների և վնասակիր ծրագրերի տարբեր տեսակները,
• նկարագրել թե ինչ միջոցներ են օգտագործվում կազմակերպությունների կողմից հարձակումներին դիմակայելու համար,
• պատկերացնել ինչպիսի կարիերային հնարավորություններ են առկա կիբերանվտանգության ոլորտում:

ՄԻՋԻՆ մակարդակի փուլ

Դասընթացը մատուցում է հիմնարար գիտելիքներ և ձիրքեր կիբերանվտանգության բոլոր տիրույթներում, այն է` տեղեկատվական անվտանգություն, համակարգերի անվտանգություն, ցանցային անվտանգություն, շարժական սարքերի անվտանգություն, ֆիզիկական անվտանգություն, էթիկական և իրավական պահանջներ, բիզնեսի տեղեկատվական անվտանգության ապահովման համար օգտագործվող պաշտպանողական մեթոդներ և տեխնոլոգիաներ, ինչպես նաև միջադեպերի հետևանքների մեղմացում:

Դասընթացը հաջող ավարտած ուսանողները կկարողանան`

• նկարագրել կիբերանվտանգության աշխարհի կրիմինալի և փորձագետների բնութագրերը,
• նկարագրել թե ինչպես են կոնֆիդենցիալության, ամբողջականության և հասանելիության սկզբունքները վերաբերում տվյալների կարգավիճակների և կիբերանվտանգության սօառնալիքների հակազդման միջոցների հետ,
• նկարագրել կիբերհանցագործների կողմից օգտագործվող մարտավարությունները, մեթոդները և և ընթացակարգերը,
• նկարագրել ինչպես են տեխնոլոգիաները, պրոդուկտները և ընթացակարգերը օգտագործվում գաղտնիությունը պաշտպանելու համար,
• նկարագրել ինչպես են տեխնոլոգիաները, պրոդուկտները և ընթացակարգերը օգտագործվում ամբողջականությունը ապահովելու համար,
• նկարագրել ինչպես են տեխնոլոգիաները, պրոդուկտները և ընթացակարգերը ապահովում բարձր հասանելիություն,
• բացատրել ինչպես են կիբերանվտանգության մասնագետները օգտագործում տեխնոլոգիաներ, գործընթացներ և ընթացակարգեր ցանցի բոլոր բաղադրիչները պահպանելու համար,
• բացատրել կիբերանվտանգությանը վերաբերող օրենքների նպատակը:

Ուսումնական ծրագրին առավել մանրամասն կարող եք ծանոթանալ այստեղ.

Սկսնակ մակարդակի փուլ

Միջին մակարդակի փուլ

Դասընթացի ավարտին կանցկացվի առցանց քննություն/թեստ, որի արդյունքում կստուգվեն ուսանողների կողմից ձեռք բերված ինչպես տեսական գիտելիքները, այնպես էլ գործնական հմտությունները։ Թեստը դրական կհամարվի 70% և ավել միավորներ ստանալու դեպքում։

Դասընթացի ավարտին մասնակիցներին կտրամադրվի՝

• ավարտական սերտիֆիկատ (քննության դրական արդյունքի՝ 70 % և ավելի միավորի դեպքում)
• մասնակցության տեղեկանք (քննության բացասական արդյունքի՝ 70%-ից ցածր միավորի դեպքում)

• Լրացնել գրանցման թերթիկը (Դիմորդը հաստատում է իր պատրաստակամությունը անձնական տվյալների վերաբերյալ սուտ, սխալ և/կամ թերի տեղեկատվություն փոխանցելու արդյունքում կազմակերպչի կողմից կրած վնասների փոխհատուցման համար)

• Հանձնել առցանց թեստ՝ հետևյալ հղումով կարող եք հանձնել փորձնական թեստ

• Ընդունելության թեստից ստացած միավորների հիման վրա կանցկացվի մրցույթ և առավելագույն միավորներ ստացած դիմորդների հետ կապ կհաստատվի և կտրամադրվի հավելյալ տեղեկատվություն դասընթացի մեկնարկի վերաբերյալ: