Meettal-ը առաջատար technical recruitment գործակալությունն է Հայաստանում:

Meettal կազմակերպությունը Հայաստանում իր գործունեությունը ծավալում է 2016 թվականի հունիսից։

Այս պահին կազմակերպությունում աշխատում են 10 տեխնիկական հավաքագրողներ (technical recruiter), ովքեր ունեն թե՛ Հայաստանյան, թե՛ միջազգային շուկայի փորձ։

Meettal-ի հավաքագրողները բազմիցս հաղթել են tech recruitment-ի միջազգային մրցույթներում։ 2018-ից 2020 թվականների ընթացքում բազմաթիվ մրցույթների և միջազգային կոնֆերանսների մասնակցելու շնորհիվ Meettal ընկերության հավաքագրողները դարձել են հայտնի ամբողջ աշխարհում։

Meettal֊ը հանդիսանում է նաև ITisArmenia նախագծի համահիմնադիրներից։ ITisArmenia-ի շրջանակներում հավաքագրողները աշխարհի տարբեր ծայրերից տաղանդների են ներգրավում և տեղափոխում Հայաստան:

Ծրագրին կարող են մասնակցել ՀՀ-ում և Արցախի Հանրապետությունում բնակվող ՀՀ և ԱՀ քաղաքացիները (Երևանից` 18, իսկ ՀՀ մարզերից և Արցախի Հանրապետությունից` 16 տարին լրացած անձինք) ովքեր կանցնեն դասընթացի ընդունելության կարգը և կհամապատասխանեն ծրագրի նպատակին:

Ծրագրի թիրախային խմբերն են՝

• Ուսանողները
• Կորոնավիրուսի (Covid-19) հետևանքով խոցելի խմբերի (տուրիզմ, սպասարկման և ծառայությունների մատուցման ոլորտ և այլն) մասնակիցները
• ԲՏ ոլորտի սկսնակները
• ԲՏ ոլորտում աշխատող մասնագետները
• Ցանկացած անձ, ով ցանկանում է ստանալ ԲՏ ոլորտում բազային և նեղ մասնագիտացված տեխնիկական կրթություն

Դասընթացին մասնակցելու համար դիմորդը պետք է ունենա անհրաժեշտ նվազագույն գիտելիքներ և հմտություններ.

• Անգլերենի իմացություն առնվազն Intermediate մակարդակի
• Մակերեսային պատկերացում ծրագրավորման մասին
• Մակերեսային տեղեկատվության որոնման հմտություններ

Մինչ դասընթացի մեկնարկը առցանց թեստի միջոցով կիրականացվի դիմորդների գիտելիքների գնահատում։

Ընդունելության առցանց թեստը բաղկացած կլինի 13 հարցից (տեղեկատվություն որոնման ստուգող 10 հարց անգլերեն լեզվով և 3 բաց հարց նամակագրություն կազմելու անգլերեն լեզվով) և կարճ հարցազրույցից (մինչև 15 րոպե):

Ընդունվելու համար պետք է հավաքել միավորների 60%-ը և հաջող անցնել հարցազրույցը:

*Տեղեկացնում ենք, որ դասընթացի մասնակիցների քանակի սահամանափակ լինելու պատճառով, կարող է առաջանալ մրցակցություն, որի արդյունքում նախապատվությունը կտրվի ընդունելության ընթացակարգում առավելագույնս բարձր միավորներ հավաքած դիմորդներին:

Դասընթացները իրականացվում են համաֆինանսավորմամբ: Պետությունը կֆինանսավորի դասընթացի արժեքի մի մասը, որը կախված կլինի ընդունելության քննության արդյունքներից (սանդղակը տե՛ս այստեղ):

Քննության արդյունքների հիման վրա կսահմանվի դասընթացի վճարի այն մասը, որը պետք է կատարի դասընթացի մասնակիցը։ Դասընթացին մասնակցելու համար դիմորդը պետք է դասընթացի մեկնարկից առաջ կատարի վճարումը։

Դասընթացի ընդհանուր արժեք` ներառյալ պետության համաֆինանսավորումը կկազմի ՝ 50.000 ՀՀ դրամ

Օրինակ եթե դասընթացի մասնակցության քննությունից ունեք 76%-ից բարձր արդյունք և

• եթե Դուք Երևանից եք, Ձեր դասընթացի 80%-ը (40,000 ՀՀ դրամ) կվճարի ԲՏԱ նախարարությունը, իսկ 20%-ը (10,000 ՀՀ դրամ) կվճարեք Դուք։
• եթե Դուք մարզից եք, Ձեր դասընթացի 90%-ը (45,000 ՀՀ դրամ) կվճարի ԲՏԱ նախարարությունը, իսկ 10%-ը (5 ,000 ՀՀ դրամ) կվճարի մասնակիցը։

«Technical Recruitment» դասընթացը իրականացվելու է շաբաթական 3 անգամ (ընդհանուր 28 դաս՝ յուրաքանչյուրը 1-1,5 ժամ տևողությամբ): Խումբը կազմված է լինելու է մինչև 30 ուսանողից։

Դասընթացը բաղկացած է լինելու տեսական և գործնական մասերից։

• Տեսական մասում 9 ժամ
• Գործնական մասում 18 ժամ

Դասընթացները իրականացվելու են առցանց (online) եղանակով՝ լիցենզավորված Google Meet ծրագրային ապահովման միջոցով:

Ինքնուրույն աշխատանքի ստուգման համար օգտագործվելու է Google Forms համակարգը, որը թույլ է տալիս ավտոմատ ստուգել և գնահատել լուծված խնդիրները։

Հայտնում ենք, որ դիմորդը կհեռացվի դասերի 50%-ից ավելին բացակայելու դեպքում։

Ծրագրի մասնակիցները մանրամասն կծանոթանան՝

• ծրագրավորման հիմունքներին
• սորսինգի հինումքներին
• կուսումնասիրեն Հայակական աշխատաշուկան և հաղորդակցությունը մասնագետների հետ:

Ուսումնական ծրագրին առավել մանրամասն կարող եք ծանոթանալ այստեղ.

Դասընթացի ավարտին կանցկացվի առցանց քննություն/թեստ, որի արդյունքում կստուգվեն ուսանողների կողմից ձեռք բերված ինչպես տեսական գիտելիքները, այնպես էլ գործնական հմտությունները։ Թեստը դրական կհամարվի 60% և ավել միավորներ ստանալու դեպքում։

Դասընթացի ավարտին մասնակիցներին կտրամադրվի՝

• ավարտական սերտիֆիկատ (քննության դրական արդյունքի՝ 40% և ավելի միավորի դեպքում)
• մասնակցության տեղեկանք (քննության բացասական արդյունքի՝ 40%-ից ցածր միավորի դեպքում)

• Լրացնել գրանցման թերթիկը (Դիմորդը հաստատում է իր պատրաստակամությունը անձնական տվյալների վերաբերյալ սուտ, սխալ և/կամ թերի տեղեկատվություն փոխանցելու արդյունքում կազմակերպչի կողմից կրած վնասների փոխհատուցման համար)
• Հանձնել առցանց թեստ՝
  փորձնական թեստ
  
• Ընդունելության թեստից ստացած միավորների հիման վրա կանցկացվի մրցույթ և առավելագույն միավորներ ստացած դիմորդների հետ կապ կհաստատվի և կտրամադրվի հավելյալ տեղեկատվություն դասընթացի մեկնարկի վերաբերյալ: